کوینک

  بو گون - من قويون يونوینان ائديلميش توخونموش- کوینکي آلديم 

 اولدوقجا يومشاقین سئچدیم ، چونکي حيات چتيندير. 

  ائوه گیره نده اونی اؤپدوم

  و یاشاییشین قيشقيريقن اونوتدوم. 

   

  شامدان سونرا او مورگولویوردو. 

  من کوینکیمی گییدیم 

حیطده یاغان قارین آلتیندا دوردوم

او اولدوقجا یوموشاقیدی

و حیات اولدوقجا چتین!

قار

  اوچان لايلار کیمی،

کولک قانادیندا آغ توزا دونوردو. 

  ايچري کئچديم و صندلیم اوسته اوتوردوم 

  و نهايت شعر يازمایا باشلادیم 

فيکيرلشيرم کي، من اؤزوم، شعریمده داوام ائده جگم 

 مرمردن یونولموش بیر هئيکه ل کیمی، قيزيل کلمه لره بورونموش،

  بو عصرین بوداسي اولاجاغام اما اللریم کسیک. 

  من کسیک اللريمی اوزاديرام 

  اللریم بوشدور ، کاسيبدير 

  معبد قاپيسينین ديلنچیسی کيمي…!