قوم ساعاتی
وصيتنامه
یاشاییش قوم ساعاتیدیر
عومور قومی
جان دامارتک
داملا داملا دامیری.
جان دامدیقداسون مقصده آخیری
تکجه
داملا داملا دامان عمروموز ده گیل.
ساده بیر شیء کیمی باشلاییر حیات
یوخاری حیصه سی معناسیز اولور
آشاغی دامدیقجا قوم ده نه لری
آشاغی حیصه سی سئوگیده ن دولور
قوجالیق
سئوگیدهن باشقا شیء ده گیل.
بعضی وارلی اولور بعضی سی یوخسول
بعضی سی چوخ آغیر بعضی سی یونگول
عجاییب بیر ایشدیر هامی چالیشیر
بیر شیء اولوب قالسین میراث دنیادا
بیری کاغاذ، بیری سی دی، بیری پول
منده ن قالان
سوزده ن باشقا شیء ده گیل.
توکولن ده نه لر اوسته قاییدماز
دوردورسان زامانی سئوگیده اولر
ترسینه چئویرسن قوم ساعاتینی
اوندان آخیب گئده ن حیات آنلاری
تکجه اوز زاتینا چئوریله بیلر
منده
ساعات قومی قورتولان ده گیل.
هه له قورتولمامیش منده دامجیلار
ده رین سئویشمه لر یاتیب ایچیمده
هه له حیات شوقی بیتمیییب منده
قوی دامسین دامجیلار
قوی عومور سورسون
گوللر وارکی هه له اکه ممه میشم
چوخلی میوه وارکی ده ره ممه میشه م.
آنجاق منیم سون قومومدا بیلیره م
آشاغیدا سئوگی داغی قالاجاق...
منده ن سونرا ترسه دونسه قوم ساعات
اوندان قوجاق قوجاق سئوگی یاغاجاق...