سئوگی تزه کسیلمیش حیوان اتی کیمیدیر

منظوروم

کیچیک تپه نین کناریندا بیتمیش بالاجا آغاجین اوستونده یئرییه ن سوسه رینین

قوشدا یارادان یئمک حیسّی کیمی بیر شی.

گاهدا قویروقون گه میره ن، چؤر توتموش قوجا داوار ایتینین

مورگویه ن خاطیره لرینه بنزیر...

.....

دومان داغی سئچه ن کیمی

 و سئچدیکده ن سونرا : یئدی یوموروق قیفیللانمیش قاپییادی کی آرزولاییرسان کاشکی آچیلمیایدی

و کیمسه ایچه ریده ن " کیمسه ن " دئمییه یدی

اوغلان هر آددیمی آتدیقجا اؤره گین یئییر و قیزین ایزیله  مدرسه یه گئدیر

و خیالیندا اوننان دنیز کناریندا قه جه مه داش اویناییر

و یئل هرده ن اونون چینلی دامنین گؤیه قاوزاییر

ویئل یارپاقین گوموش اؤزونی گوستریر

گون آغاجین نملی بوتالاریندان گئچیر

یئره یاییلیر

و قارا تورپاقین قوجاقیندا یاتان چؤر توتموش ایتین چوروموش اتین قیزدیریر

و یاواشجا ایچریسنده یاتان جاناواری آییدیر...