بو آيري زاماندير غریب دوراندیر، 

کیشیلیک آرزوسی آروادلاشمادا. 

ده وریم کؤزونی ، کول باسدیریبدیر

اینتظار گؤزلری قابار چالمادا. 

  مني داريخديرير بو ائل ، بو اؤبا

بوردا یاد لایلاسی  اوشاق یاتیدیر، 

  منه قیرآت وئرين، آت ايسته ييرم. 

  ایگیدین سوسماسی، آدین باتیریر، 

منه توفنگ وئرین، منه داغ وئرین

من زیروه ایستیره م قایا ایستیره م 

  سرحدسيز چؤللرين جنگ مئيدانيندا. 

ایمداد هاراییما هارای ایستیره م

غریبه دوراندور غریبه زامان

  قارداشلار قارداشین حسرتينده دير، 

ایشاره بارماقلار دوداق اوستونده

خالقیم بوتولوگون حسرتینده دیر.. 

  چيله ايشيغيني، چيله دوشونجه ، 

  اويانسین ايچيمده تمییز دویغولار. 

حیاتین جوهری سینیفسال ساواش، 

قورتولماق  بيلمه ين ساواشيميز وار.