کریتیک

سن ايله من

بير عؤموردي يوللارداييق

و آدديم لاريميز بياض پارلاق ديلك لرتكين

آچيق آيدين اولسادا

هله بير سير كيمي هوندور داغ كيمي

گيزلي دير ايتيب دير دومان دا چن ده!

بو قيزيل توپراقين گؤزل گؤيچك قيزلاري

"اورين" ين سئيرينه چيخان آنلاردا

آديني بير ماهني تك سسله يه جك لر

و دوداقلاري بير غونچه تك

سندن آلاراق، گول چيچه يين عطريني

ياياجاق لار عشق ين رنگيني!

اينسانلار اينسانليقي ياشادان كيمي

بو ياشار تورپاق دا دا

ياشارليق وارسا

قلمين مين لر آت كيمي كيشنه يه رك

سنين لال حنجره ني سسله ده جك لر.

سن ايله من

اوزون ـ اوزون يوللارداييق

گؤرونمز سئحيرلي بؤيوك سيرلارتكين.